ඉඹුල්පේ ප්‍රදේශීය සභාවේ කුමරතුඟු මහජන පුස්තකාලය

දැක්ම
සහන් සිතක් පහන් දැයක්

මෙහෙවර
විශ්වයක දැනුම අතැඹුලට ගෙනෙමින් පුද්ගල හා කුසලතා සංවර්ධනය තුළින් මානුෂිය මෙන්ම සමාජීය යහපැවැත්ම තහවුරු කිරිමට අවශ්‍ය සම්පත් සේවා සැපයිම

ඉතිහාසය :
1960 දශකයේදි පමණ උඩුවග්ගම්පත්තු ගම් සභාව ලෙස පැවති ඉඹුල්පේ ප්‍රාදේශීය සභාව මඟින් පොත් 400-500ක් පමණ ගබඩා කර කුමාරතුඟු මහජන පුස්තකාලය ආරම්භ කර ඇත. 1960 පමණ ආරම්භ වු මෙම පුස්තකාලය 1998 වසරේ සිට ක්‍රියාකාරිව පවතින බව දක්නට ලැබේ. 2021 වසරේදි සාදා නිම කර ජනතා අයිතියට පත් කළ දෙමහල් ගොඩනැගිල්ලෙහි පුස්තකාලය පිහිටා ඇත. 2021 වර්ෂය වන විට කුමාරතුඟු මහජන පුස්තකාලයේ පාඨකයින් 2,000ක් හා 16,600 කට ආසන්න වු පොත් සංඛ්‍යාවක් පවති. එමෙන්ම 2012 වසරේ සිට 2016 වසර දක්වා පළාත් හා ජාතික මට්ටමින් විවිධ සම්මාන ලබා ගැනිමට ද කුමාරතුඟු මහජන පුස්තකාලයට හැකියාව ලැබි ඇත.
කුමාරතුඟු මහජන පුස්තකාලයට අනුබද්ධිතව ශාඛා පුස්තකාලයක් ලෙස බෙලිහුල්ඹය නිදහස් ස්වර්ණ ජයන්ති මහජන පුස්තකාලය ගලගම ප්‍රදේශයේ ස්ථාපනය කර ඇත. මිට අමතර ව කුමාරතුඟු මහජන පුස්තකාලයට අනුබද්ධිතව නැණසල ආයතනයක් පවත්වා ගෙන යමින් නගරයෙන් ලබා ගත් නවින තාක්ෂණය අද ගමෙන් ලබා ගැනිමට අවස්ථාව සලස්වා ඇත‍.

පිහිටීම :
ප්‍රාදේශීය සභා කාර්යාලයට යාබද ගොඩනැගිල්ලේ උඩු මහලේ කුමාරතුඟු මහජන පුස්තකාලය පිහිටා තිබේ.

විවෘතව තබන වේලාවන් :
සතියේ දිනවල පෙ.ව.08.30 සිට ප.ව. 4.30 දක්වා විවෘත වේ.(රජයේ නිවාඩු දින වල වසා ඇත)

වර්ථමාන තත්ත්වය :
2021 වර්ෂය වන විට 2000ක් පමණ සාමාජික පිරිසක් ද , 16600කට ආසන්න පොත් සංඛ්‍යාවක් ද පුස්තකාලය සතුව තිබේ. දිනපතා පුස්තකාලයට පැමිණෙන පාඨක පිරිසද 50 පමණ වේ.

කුමාරතුගු මහජන පුස්කාලයේ පවතින ප්‍රධාන අංශ
• බැහැරදෙන අංශය
• විමර්ශන අංශය
• ළමා අංශය
• පුවත්පත් කියවීම් අංශය
• වාර සගරා අංශය
• පොත් බැඳුම්කරන අංශය
• නැණසල ආයතනය

සේවාවන්
• පොත් බැහැරදිමේ සේවය
• ජංගම පුස්තකාල සේවය
• විමර්ශන සේවය
• පුවත්පත් කියවීම් සේවය
• වාර සගරා සේවය
• අන්තර්ජාල පහහසුකම් සේවා

සාමාජිකත්වය ලබා ගැනීම සහ ‌පොත් බැහැර ගෙන යාම සඳහා පොත් ලබා ගැනීමේ ක්‍රමවේදය (වැඩිහිටි / ළමා අංශ)

• සාමාජික අයදුම්පතක් ලබා ගැනීම.
• සාමාජික මුදල් ගෙවීම.
• සාමාජික කාඩ් පත ලබා ගැනීම.
• කාඩ්පත සඳහා පොත් දෙකක් බැහැරගෙන යාමට හැකිය.
• වසරකට වරක් සාමාජිකත්වය අළුත් කිරිම

කුමරතුඟු මහජන පුස්තකාලය මගින් ක්‍රියාත්මක විශේෂ වැඩසටහන්
1. අධ්‍යාපනික සම්මන්ත්‍රණ / දේශන පැවැත්විම
2. ජංගම පුස්තකාල වැඩසටහන් පැවැත්විම
3. ජාතික කියවිම් මාසය සැමරිම සඳහා විශේෂ වැඩසටහන් පැවැත්විම
4. පොත් කියවිම් කඳවුරු පැවැත්විම

පුස්තකාල ගාස්තු :

පොතක් නැතිවීම හෝ පොතකට අලාභහානි කිරීම
පොතක් නැති වූ විට අදාළ පොත ම සාමාජිකයා විසින් පුස්තකාලය වෙත ලබා දීම හෝ එම පොතේ වටිනාකම සමග දෙපාර්තුමේන්තු ගාස්තු වශයෙන් 25%ක මුදලක් පුස්තකාලය වෙත ගෙවිය යුතුය.

ඉඹුල්පේ ප්‍රදේශීය සභාවේ බෙලිහුල්ඔය නිදහස් ස්වර්ණ ජයන්ති මහජන පුස්තකාලය

ඉතිහාසය :
1960 දශකයේ දි පමණ ආරම්භ කළ ඉඹුල්පේ කුමරතුඟු මහජන පුස්තකාලයට අනුබද්ධිතව ශාඛා පුස්තකාලයක් ලෙස බෙලිහුල්ඹය නිදහස් ස්වර්ණ ජයන්ති මහජන පුස්තකාලය කොළඹ බදුලු ප්‍රධාන මාර්ගයේ ගලගම ප්‍රදේශයේ බෙලිහුල්ඹය ර/ ධම්මරතන මහා විද්‍යාලයට ආසන්නව ස්ථාපනය කර ඇත. එහි 2021 වර්ෂය වන විට පාඨකයින් 750ක් හා 8000 කට ආසන්න වු පොත් සංඛ්‍යාවක් පවති.

පිහිටීම :
කොළඹ බදුලු ප්‍රධාන මාර්ගයේ ගලගම ප්‍රදේශයේ බෙලිහුල්ඹය ර/ ධම්මරතන මහා විද්‍යාලයට ආසන්නව පිහිටා තිබේ.

විවෘතව තබන වේලාවන් :
සතියේ දිනවල පෙ.ව.08.30 සිට ප.ව. 4.30 දක්වා විවෘත වේ.(රජයේ දින වල වසා ඇත)

වර්ථමාන තත්ත්වය :
2021 වර්ෂය වන විට 750ක් පමණ සාමාජික පිරිසක් ද , 8000කට ආසන්න පොත් සංඛ්‍යාවක් ද පුස්තකාලය සතුව තිබේ. දිනපතා පුස්තකාලයට පැමිණෙන පාඨක පිරිසද 25 පමණ වේ.

සාමාජිකත්වය ලබා ගැනීම සහ පොත් බැහැර ගෙන යාම සඳහා පොත් ලබා ගැනීමේ ක්‍රමවේදය (වැඩිහිටි / ළමා අංශ)
- සාමාජික අයදුම්පතක් ලබා ගැනීම.
- සාමාජික මුදල් ගෙවීම.
- සාමාජික කාඩ් පත ලබා ගැනීම.
- කාඩ්පත සඳහා පොත් දෙකක් බැහැරගෙන යාමට හැකිය.
- වසරකට වරක් සාමාජිකත්වය අළුත් කිරිම

බෙලිහුල්ඹය නිදහස් ස්වර්ණ ජයන්ති මහජන පුස්තකාලය , කුමාරතුඟු මහජන පුස්තකාලය විසින් සිදු කරනු ලබන සියලු කටයුතු වලට අවශ්‍ය සහයෝගය ලබා දෙමින් පවත්වා ගෙන යනු ලබයි.

මහජන පුස්තකාලය අනුබද්ධ නැණසල මධ්‍යස්ථානය

ඉඹුල්පේ කුමරතුඟු මහජන පුස්තකාලයට අනුබද්ධිතව පාඨකයන්ට අවශ්‍ය අන්තර්ජාල පහසුකම්, මුද්‍රිත පිටපත් (Printout) හා ඡායාපිටපත් (Photocopy) සේවාවන් ලබා ගැනිම සඳහා ස්ථාපනය කර ඇත.
නැණසල ආයතනය ආරම්භ කිරීම සදහා දායකත්වය ලබා දෙනු ලැබුවේ තොරතුරු තාක්ෂණ හා සංනිවේදන අමාත්‍යාංශය මගිනි .

පිහිටීම :
ප්‍රාදේශීය සභා කාර්යාලයට යාබද ගොඩනැගිල්ලේ බිම් මහලේ පිහිටා තිබේ.

ව්‍යාපෘතියේ අරමුණ
ඉඹුල්පේ ප්‍රාදේශීය සභා බල ප්‍රදේශයේ තුළ ජීවත්වන දුවා දරුවන්ගේ තොරතුරු තාක්ෂණ දැනුම සමීප කරවමින් හා ප්‍රදේශයේ ජීවත් වන ජතතාවට තාක්ෂණික පහසුකම් ලබා දීම තුලින් එදිනෙදා කටයුතු කාර්යක්ශමව හා ඵලදායි ලෙස කරවීම සදහා දායකවීම.

මෙමගින් ඉටුකෙරෙන කාර්යයන්
• පාසැල් දරුදැරියන්ගේ තොරතුරු තාක්ෂණ ප්‍රවර්ධන වැඩසටහන් ක්‍රියාත්මක කරවීම‍
• ඉන්ටර්නෙට් භාවිතා කිරීම ඉක්මණින් හා පහසුවෙන් තොරතුරු සේවා ලබා ගැනීම සදහා උපදෙස් ලබා දෙනමින් දැනුම ලබා දීමට අත්වැලක් වීම.
• පුස්තකාලය හා සම්බන්ධව විද්‍යුත් පුස්තකාලයක් පවත්වාගෙන යාම
• ජනතාවට පැන නැගින පරිගණක ගැටළු නිරාකරණය කරවීම
• පරිගණක පාඨමාලා හැදැරීම සදහා අවස්ථාව ලබා දීම හා පාසැල් දුවා දරුවන්ගේ පරිගණක සම්බන්ධව උනන්දුවක් ඇති කරවීම
• දත්ත ගොනු සැකසීමට උදව් කිරිම

වැඩි විස්තර සඳහා විෂයභාර නිළධාරී 045-2287361මඟින් අමතන්න