ඉඹුල්පේ ප්‍රදේශීය සභාවේ කර්මාන්ත අංශය

ඉඹුල්පේ ප්‍රාදේශීය සභා බල ප්‍රදේශය තුළ ජීවත් වන ජනතාවගේ පොදු පහසුකම් ලබා දෙමින් ප්‍රදේශයේ සංවර්ධනය වැඩි දියුණු කිරීම සදහා දායකත්වය ලබා දීම කර්මාන්ත අංශය තුලින් සිදු කරයි.

වීථි රේඛා හා නොපවරවා ගැනිමේ සහතික ලබා දීම

වීථී රේඛා හා නොපවරවා ගැනිමේ සහතිකය යනු,
ප්‍රධාන මාර්ගයේ සිට ගොඩනැගිල්ලක් හෝ ඉදිකිමේ දී මාර්ගයට අත් හැරිය යුතු ඉඩ ප්‍රමාණය නිවැරදි ව සකස් කිරිම හා වීථී රේඛා වලින් නිදහස් බවට සහතික කිරීමයි.

සේවාව ලබා ගැනීම සදහා ඔබ විසින් ඉදිරිපත් කල යුතු ලේඛන හා ලියවිලි :
• විථි රේඛා සහතිකයක් අවශ්‍ය බවට ඉල්ලිම් ලිපිය
• නිවැරදිව සම්පුර්ණ කරන ලද අයදුම් පත්‍රය
• හිම්කම් ඔප්පුවේ මුල් පිටපත හා ඡායා පිටපත
• බිම් සැකස්මේ මුල් පිටපත සහ ඡායා පිටපත
• ලබා ගන්නා ණය මුදල රුපියල් 500000.00 අඩු නම් ඒ බව සදහන් කරමින් අදාළ බැංකුව විසින් ලබා දෙන ලද ලිපියක්

වීථි රේඛා අයදුම්පතු ගාස්තු රු.25/-

ලේඛන හා ලියවිලි භාර දිමෙන් පසු :
• තාක්ෂණ නිලධාරී වෙත යොමු කර වාර්තාව ලබා ගැනිම
• වරිපනම්, ජල, කසල, අක්කර බදු, බලපත්‍ර ආදී විෂයභාර නිළධාරි වෙත යොමු කර යාවත්කාලීන ආදායම් වාර්තා ලබා ගැනිම
• නියමිත ගාස්තු අය කිරීම
• වීථී රේඛා හා නොපරවා ගැනිමේ සහතිකය නිකුත් කිරීම‍

ගොඩනැගිලි සැලසුම් අනුමත කිරීම

ගොඩනැගිලි අනුමැතියක් යනු කුමක්ද?
ප්‍රාදේශිය සභා සීමාව තුළ කරනු ලබන සියඵම ඉදිකිරීම් ‍සඳහා අනුමැතිය ලබා ගැනීම අනිවාර්ය වේ. සභාව විසින් නිකුත් කරන නිර්ණායකයන් මත සැලසුම් සකස් කර ගොඩනැඟිල්ල ඉදි කිරීම සදහා නිල වශයෙන් අවසර ලබා දීම ගොඩනැගිලි සැලසුම් අනුමැතියක් ලෙස හඳුන්වයි. (ඉදිකිරිම සිදු කරනු ලබන ඉඩම අවම වශයෙන් පර්චස් 06ක් විය යුතුය)

සේවාව ලබා ගැනීම සදහා ඔබ විසින් ඉදිරිපත් කල යුතු ලේඛන හා ලියවිලි :
• නිවැරදි සම්පූර්ණ කරන ලද අයදුම් පත්‍රය
• ඉඩමේ ඔප්පුවේ මුල් පිටපත හා ඡායා පිටපත
• ඉඩමේ පිඹුරේ මුල් පිටපත හා ඡායා පිටපත
• ගොඩනැගිල්ල ඉදිකිරිම සදහා අදින ලද A2 හෝ එම ප්‍රමාණයට ඉහල ප්‍රමාණයේ ගොඩනැගිලි සැලසුමේ මුල් පිටපත් 02
• ජාතික ගොඩනැගිලි පර්යේෂණ සංවිධානය ආයතනය මගින් ලබා දෙන ලද භූමි යෝග්‍යා සහතිකයේ මුල් පිටපත

ලේඛන හා ලියවිලි භාර දිමෙන් පසු :
01. තාක්ෂණ නිළධාරී වෙත ලිපිගොනුව භාර දීම.
02. තාක්ෂණ නිළධාරී විසින් ස්ථාන පරීක්ෂාව.
03. අදාල ලිපිගොණු සෞඛ්‍ය වෛද්‍ය නිලධාරී කාර්යාලය වෙත භාර දීම.
04. කොට්ඨාශ භාර මහජන සෞඛ්‍ය පරීක්ෂක විසින් ස්ථානීය පරීක්ෂාව සිදු කිරීම.
05. ගොඩනැගිලි සැලසුම් කමිටුව පැවැත්වීම.
06. කමිටු අනුමැතිය ලැබී ඇතිනම් අදාළ ගාස්තුව අය කර සැලසුම අයදුම්කරුට ලබා දීම හෝ සැලසුම් තීරණය අදාළ අයදුම්කරුට දැන්වීම.

ගොඩනැගිලි අනුමැතිය ලබා නොගත් විට එම ඉදිකිරිම
• අනවසර ඉදිකිරීමක් වේ.
• ගොඩනැගිල්ල කඩා ඉවත් කිරිම සඳහා නීතියානුකූලව කටයුතු කරනු ලබයි.
ගොඩනැගිලි සැලසුම් අනුමත කිරීමේ අයදුම්පත් ගාස්තු රු.1000/-

ගොඩනැගිලි සැලසුම් අනුමත කිරිමේ ගාස්තු 

අනුකූලතා සහතික

අනුකූලතා සහතිකය යනු කුමක්ද?
ඕනෑ ම ඉදිකිරීමක් (ගොඩනැගිල්ලක් හෝ තාප්පයක්) සඳහා අනුමැතිය ලබා ගත් පසු , එම ඉදිකිරීම අදාළ කාලය තුළ සම්පූර්ණ කිරීමෙන් අනතුරු ව අනුමත සැලසුමේ ආකාරයට පදිංචියට හෝ භාවිතයට සුදුසු පරිදි ඉදි කර ඇති බවට දෙනු ලබන සහතිකයයි.

සේවාව ලබා ගැනීම සදහා ඔබ විසින් ඉදිරිපත් කල යුතු ලේඛන හා ලියවිලි :
ඉල්ලිම් ලිපිය
ඉඹුල්පෙ ප්‍රාදේශීය සභාවේ ගොඩනැගිලි සැලසුම් කම්ටුව විසින් අනුමත කරන ලද ඉහත අංක 03ට අදාළ ලිපිය හා නිවැරදිව සම්පුර්ණ කරන ලද අයදුම්පත

බිම් කට්ටි සැලසුම් අනුමත කිරීම

බිම් කට්ටි අනුමැතියක් යනු කුමක්ද?
නිවාසයක් හා ගොඩනැගිල්ලක් හෝ යම් භෞතික ඉදිකිරීමට පෙර එම භුමිය ඉදිකිරීමට සුදුසු දැයි පරීක්ෂා කිරීම වේ. ගොඩනැගිලි පර්යේෂණ ආයතනය මඟින් නිකුත් කරන්නා වු නිර්ණායකයන් මත බිම් කට්ටියක් සඳහා අවසර දෙනු ලැබේ. බිම් කොටසේ අවම බිම් ප්‍රමාණය පර්චස් 06ක් විය යුතුය
සේවාව ලබා ගැනීම සදහා ඔබ විසින් ඉදිරිපත් කල යුතු ලේඛන හා ලියවිලි :
• සම්පූර්ණ කරන ලද අයදුම්පත්‍රය
• ඔප්පුවේ මුල් පිටපත හා ඡායා පිටපත
• මිනින්දෝරු සැලැස්මේ මුල් පිටපත හා ඡායා පිටපත
• ගොඩනැගිලි පර්යේෂණ ආයතනය මගින් ලබා දෙන ලද ඉඩමේ පිහිටීම පිළිබද වර්තාව

අනතුරුදායක ගස් ඉවත් කිරීම

• අනතුරුදායක ගසක් ඉවත් කිරිමට අව්‍යශ බව ලිපියක් මඟින් කාර්යාලය වෙත ඉල්ලිමක් කිරිම.
• අනතුරුදායක ගස් සම්බන්ධයෙන් අදාළ අයදුම්පතක් ලබා ‌ගෙන සම්පූර්ණ කරන ලද අයදුම්පත කාර්යාලයට භාර දීම.
• පරීක්ෂා කිරීමේ ගාස්තුව රු.500.00 ක් කාර්යාලය බැර කිරීම.
• තාක්ෂණ නිළධාරී විසින් අදාළ ගස සම්බන්ධයෙන් ස්ථානීය පරීක්ෂාවක් සිදුකර වාර්තාව ලබා ‌ගැනීම.
• එම වාර්තාව අනුව සිදු කළ යුතු ‌දේ පිළිබඳව ගස අයිතිකරුට ලිඛිතව දැන්වීම.
• අදාළ අයිතිකරු ගස ඉවත් කර නොගන්නේ නම් ලිපි 03ක් මඟින් අයිතිකරුට දැන්විමෙන් අනතුරුව සභාව මැදිහත් වී ගස ඉවත් කිරීමට කටයුතු කිරීම.(තාක්ෂණ නිළධාරී වාර්තාව අනුව ගස ඉවත් කිරීමට අවශ්‍ය නම් පමණි.)

වීදී පහන් නඩත්තුව

වීථි පහනක් යනු,
පළාත් පාලන ආයතන තුළින් පොදු මං මාවත් මහාමාර්ග ඇතුළු පොදු ස්ථාන වල රාත්‍රී ආලෝකකරණය සඳහා සවි කර ඇති විදුලි පහන් වේ.

වීථි පහනක් නඩත්තු කරිමේ ක්‍රියා පටිපාටිය,
• මහජනයා විසින් පැමිණිලි වාර්තා කිරීම.
• කාර්මික නිළධාරි හරහා විදුලි කාර්මිකට වාර්තා කිරීම.
• විදුලි කාර්මික විසින් ස්ථානය පරීක්ෂා කර නඩත්තු කටයුතු සිදු කිරීම.
• වීදී පහන් භාරකාරීත්වය විසින් තහවුරු කර කාර්මික නිළධාරි වෙත දැනුම් දීම.
විථී පහන් නඩත්තු පිළිබඳ පැමිණිලි කාර්යාලයට පැමිණ ‍හෝ දුරකථන ඇමතුම් මඟින් ලබාදිය හැක.

පාරිසරික ආරක්ෂණ බලපත්‍ර

සේවාව ලබා ගැනීම සදහා ඔබ විසින් ඉදිරිපත් කල යුතු ලේඛන හා ලියවිලි :
• ඉල්ලිම් ලිපිය
• සම්පූර්ණ කරන ලද අයදුම්පත්‍රය
• ඉඩමෙ ඔප්පුවේ මුල් පිටපත හා ඡායා පිටපත
• බිම් සැකස්මේ මුල් පිටපත සහ ඡායා පිටපත
• එම වසරට අදාළව ව්‍යාපාරය සඳහා ලබා ගත් වෙළඳ බලපත්‍රය
• ව්‍යාපාරය පවත්වා ගෙන යාම පිළිබඳව වි‍රෝධතා නොමැති බවට අසල්වැසියන්ගෙන් ලිපි 2ක

හියුම් බට නිෂ්පාදනය හා අලෙවිය

ඉඹුල්පේ ප්‍රාදේශිය සභාවට අයත් පොදු මාර්ග සඳහා අවශ්‍ය හියුම් බට නිෂ්පාදනය වෙනුවෙන් මෙම හියුම් බට අංගනය ආරම්භ කරන ලදි.

හියුම් බට අංගනය පිහිටිම:
කොළඹ බදුල්ල ප්‍රධාන මාර්ගයේ රත්මලවින්න, කුඩුගල්වත්ත, සියඹලාගස්වත්ත පාරහි පිහිටා ඇත.

ඔබට අවශ්‍ය හියුම් බට ලබා ගැනිම සඳහා:
• සභාපති, ලේකම් ඉඹුල්පේ ප්‍රාදේශිය සභාව ලිපිනයට මාර්ගයේ දළ සැලැස්ම සහිතව ඉල්ලිම් ලිපියක් ඉදිරිපත් කිරිම
• කාර්මික නිළධාරි ස්ථානිය පරික්ෂණය සිදු කිරිමෙන් අනතුරුව හියුම් බට ලබා දිම පිළිබඳ තිරණය කරනු ලැබේ.

හියුම් බට අලෙවි කිරිමේ මිල ගණන්

ඉහත සදහන් අනුමැතියන් හා ලියවිලි ලබා ගැනිම සදහා සියළුම ලේඛන නිවැරදිව හා නීත්‍යානුකූල වේ නම් පහත සදහන් කාලය තුලදී ඔබට ලබා ගත හැක.

පළාත් පාලන ආයතනය මඟින් පාරිසරික ආරක්ෂණ බලපත්‍ර ලබා ගත යුතු කර්මාන්ත/ක්‍රියාකාරකම්

2022-01-07 වන දින නිකුත් කරන ලද අංක 2264/18 දරණ ගැසට් නිවේදනයේ සඳහන් උපලේඛණයේ “ඈ” කාණ්ඩයට අයත් නියමිත කටයුතු/ක්‍රියාකාරකම් සඳහා පළාත් පාලන ආයතන මඟින් පාරිසරික ආරක්ෂණ බලපත්‍රය ලබා ගත යුතුය.

එම ක්‍රියාකාරකම් පහත දැක්වේ.

1. සේවක සංඛ්‍යාව10ක් හෝ ඊට වැඩි පිරිසක් සේවයේ නියුක්තව සිටින ඉටිපන්දම් නිෂ්පාදන කර්මාන්ත
2. සේවක සංඛ්‍යාව 5 ට අඩු පිරිසක් සේවයේ නියුක්තව සිටින බතික් කර්මාන්ත
3. සේවක සංඛ්‍යාව 5 ට අඩු පිරිසක් සේවයේ නියුක්තව සිටින වාණිජ මට්ටමේ රෙදි සෝදන ස්ථාන(ලොන්ඩ්‍රි)
4. රෙදි වියන යන්ත්‍ර /මැෂින් 10 ක් හෝ ඊට වැඩි සංඛ්‍යාවක් සහිත අත් යන්ත්‍ර පෙහෙකම්හල් හෝ ගෙතීමේ හෝ එම්බ්‍රොයිඩර් කිරීමේ කර්මාන්ත.
5. දිනකට ලීටර් 200 කට අඩු නිෂ්පාදන ධාරිතාවක් සහිත වාණිජ මට්ටමේ පොල්තෙල් නිස්සාරණය කිරීමේ කර්මාන්ත
6. පොල් තෙල් සහ ආයුර්වේද තෙල් නිස්සාරණය කිරීමේ කර්මාන්ත හැර දිනකට ලීටර් 10 කට අඩු නිෂ්පාදන ධාරිතාවක් සහිත වාණිජ මට්ටමේ ශාක තෙල් නිස්සාරණය කිරීමේ කර්මාන්ත.
7. දිනකට ලීටර් 100 කට අඩු නිෂ්පාදන ධාරිතාවක් සහිත මද්‍යසාරමය නොවන බීම වර්ග නිෂ්පාදනය කිරීමේ හෝ බෝතල්ගත කිරීමේ කර්මාන්ත.
8. දිනකට කිලෝග්‍රෑම් 500 හෝ ඊට වැඩි නිෂ්පාදන ධාරිතාවක් සහිත වියළි සැකසුම් ක්‍රියාවලි සහිත වී මෝල්.
9. මසකට කිලෝග්‍රෑම් 1000 කට අඩු නිෂ්පාදන ධාරිතාවක් සහිත ඇඹරුම්හල්.
10. සේවක සංඛ්‍යාව 10 හෝ ඊට වැඩි සහ 25 ට අඩු පිරිසක් සේවයේ නියුක්තව සිටින දුම්කොළ වියළීමේ කර්මාන්ත හෝ දුම්වැටි හෝ දුම්කොළ ආශ්‍රිත වෙනත් නිෂ්පාදන කර්මාන්ත.
11. එක් තොගයකට කිලෝග්‍රෑම් 250 හෝ ඊට වැඩි යෙදවුම් ධාරිතාවක් සහිත සල්ෆර් දුම් ගැසීම සහිත කුරුඳු දුම් ගැසීමේ කර්මාන්ත.
12. සේවක සංඛ්‍යාව 5 ට වැඩි පිරිසක් සේවයේ නියුක්තව සිටින ආහාරයට ගන්නා ලුණු ඇසුරුම් කිරීමේ සහ සැකසුම් කිරීමේ කර්මාන්ත.
13. සේවක සංඛ්‍යාව 5 ට වැඩි පිරිසක් සේවයේ නියුක්තව සිටින වාණිජමය තේ මිශ්‍ර කිරීමේ /මුහුවම් කිරීමේ කර්මාන්ත.
14. සේවක සංඛ්‍යාව 5 හෝ ඊට වැඩි සහ 10 ට අඩු පිරිසක් සේවයේ නියුක්තව සිටින ආහාර නිෂ්පාදනය කිරීමේ හෝ සකස් කිරීමේ කර්මාන්ත.
15. දිනකට පිටි කිලෝග්‍රෑම් 250 ට අඩු ප්‍රමාණයක යෙදවුම් ධාරිතාවක් සහිත වාණිජ මට්ටමේ බේකරි සහ රස කැවිලි නිෂ්පාදන කර්මාන්ත.
16. ඕනෑම අවස්ථාවක වැඩුණු පක්ෂීන් 100 හෝ ඊට වැඩි සහ 500 ට අඩු සංඛ්‍යාවක් සිටින කුකුළු ගණයේ පක්ෂී ගොවිපලවල්.
17. ඕනෑම අවස්ථාවක වැඩුණු සතුන් 05 ක් හෝ ඊට වැඩි සහ 10 ට අඩු සංඛ්‍යාවක් සිටින ඌරු හා ගව ගොවිපලවල්.
18. ඕනෑම අවස්ථාවක වැඩුණු සතුන් 25 ක් හෝ ඊට වැඩි සහ 50 ට අඩු සංඛ්‍යාවක් සිටින එළු ගොවිපලවල්.
19. වැඩුණු සතුන් මුළු එකතුව 100 ක් හෝ ඊට වැඩි සහ 500 ට අඩු සංඛ්‍යාවක් සිටින මිශ්‍ර ගොවිපලවල්   

මිශ්‍ර ගොවිපලවල් සඳහා අනුපාතය = පක්ෂීන් සංඛයාව + 50* (ඌරන් සංඛ්‍යාව+ගවයින් සංඛ්‍යාව)+10*( එළුවන් සංඛ්‍යාව)

20. ගබඩා ධාරිතාවය ඝන මීටර් 100 ක් හෝ ඊට වැඩි පළතුරු හෝ එළවළු හෝ මාංශ හෝ වෙනත් ආහාර ද්‍රව්‍ය ගබඩා කරන ස්ථාන.
21. කොන්ක්‍රීට් පෙරසවි කර්මාන්ත
22. යන්ත්‍රානුසාරයෙන් සිමෙන්ති බ්ලොක්ගල් නිෂ්පාදනය කිරීමේ කර්මාන්ත.
23. දිනකට නිෂ්පාදන ධාරිතාවය මෙට්‍රික් ටොන් 20 ට අඩු ප්‍රමාණයක් සහිත හුණු පෝරණු
24. සේවක සංඛ්‍යාව 05 කට වැඩි ප්‍රමාණයක් සේවයේ නියුක්තව සිටින “ප්ලාස්ටර් ඔෆ් පැරිස්” අමුද්‍රව්‍ය වශයෙන් යොදාගන්නා ඕනෑම කර්මාන්තයක්.
25. බෙලිකටු කැබලි කිරීමේ/පතුරු කිරීමේ කර්මාන්ත.
26. උළු සහ ගඩොල් පෝරණු.
27. වීදුරු ද්‍රව කිරීමේ ක්‍රියාවලිය රහිතව වීදුරු භාණ්ඩ නිෂ්පාදනය කිරිමේ කර්මාන්ත
28. කළුගල් කැපීමේ සහ ඔප දැමීමේ කර්මාන්ත
29. පුපුරණ ද්‍රව්‍ය භාවිතා කර එක් බෝර වලක් බැගින් පුපුරවමින් සිදු කරනු ලබන ශිල්පීය කැණීම් කටයුතු
30. දිනකට ඝන මීටර් 25 ට අඩු ඉරුම් ධාරිතාවක් සහිත ලී මෝල් හෝ සේවක සංඛ්‍යාව 05 හෝ ඊට වැඩි සහ 10 කට අඩු පිරිසක් සේවයේ නියුක්තව සිටින දැව ආශ්‍රිත කර්මාන්ත.
31. දැව පදම් කිරීම සඳහා බෝරෝන් පිරියම් ක්‍රමය භාවිතා කරන කර්මාන්ත
32. බහු කාර්ය වඩු කාර්මික යන්ත්‍ර භාවිතා කරන වඩු කර්මාන්ත.
33. සේවක සංඛ්‍යාව 05 ක් හෝ ඊට වැඩි සහ 10 ට අඩු පිරිසක් සේවයේ නියුක්තව සිටින නේවාසික පහසුකම් රහිත හෝටල් හෝ අවන්හල් හෝ උත්සව ශාලා හෝ සේවක සංඛ්‍යාව 10 ක් හෝ ඊට වැඩි සහ 20 ට අඩු පිරිසක් සේවයේ නියුක්තව සිටින ආහාර පිළියෙළ කිරීමේ ස්ථාන හෝ ආහාර සැපයීමේ සේවා.
34. පදිංචි සංඛ්‍යාව දිනකට 25 ක් හෝ ඊට වැඩි සහ 100 ට අඩු පුද්ගලයන් ප්‍රමාණයක් සිටින නේවාසිකාගාර හෝ එවැනි ලැඟුම්හල්.
35. විසිරි පින්තාරු කිරීම් හෝ වාහන වායු සමීකරණ යන්ත්‍ර අලුත්වැඩියා කිරීම් , නඩත්තු කිරීම් හෝ සවි කිරීම් සිදු නොකරන අලුත්වැඩියා කිරීමේ හෝ නඩත්තු කිරීමේ කටයුතු සිදු කරන ගරාජ
36. වාහන සේවා සිදු නොකරන බහාලුම් (කන්ටේනර්) පර්යන්ත
37. ඊයම් උණු කිරීම ඇතුළත් නොවන මුද්‍රණාල සහ අකුරු මුද්‍රණය කිරීමේ කර්මාන්ත
38. මෘත ශරීර කල් තබා ගැනීමට සකස් කිරීම සහිත මල්ශාලා.
39. මෙම උපලේඛනයේ “ඈ” කොටසේ ඇතුළත් නොවන එක් වැඩ මුරයකට සේවක සංඛ්‍යාව 10 ක් හෝ ඊට වැඩි සහ 50ට අඩු පිරිසක් සේවයේ නියුක්තව සිටින ඕනෑම ක්‍රියාකාරකමක්/කර්මාන්තයක්

නියමිත කර්මාන්ත/ ක්‍රියාකාරකම් සඳහා පරිසර ආරක්ෂණ බලපත්‍ර ලබාගැනීමෙන් කර්මාන්තකරුවන්ට හිමිවන ප්‍රතිලාභ
• ජාතික ප්‍රමිති හා උපමාන වලට අනුකූලව බාහිර පරිසරයට අපද්‍රව්‍ය සහ විමෝචනයන් මුදා හැරීම මගින් සිදුවන පාරිසරික දූෂණය වැළැක්විම සහ පාලනය කිරීම තුලින් නීතිමය රැකවරණයක් ලැබීම.
• වාතය, ජලය සහ භූමිය යන මාධ්‍යයන්ට මුදාහරින ද්‍රව්‍ය මගින් පරිසරයට සිදුවන බලපෑම අවම කරමින්, පරිසර හිතකාමී ප්‍රවේශයකට එලඹීමෙන්, කර්මාන්තයේ තිරසර පැවැත්ම තහවුරු වීම.
• පරිසර දූෂණ පාලනය සඳහා තාක්ෂණික මාර්ගෝපදේශ ලබා ගැනීමට හැකිවීම.
• අපද්‍රව්‍ය අවම කිරීමේ තාක්ෂණික ක්‍රමෝපායයන් තුලින්, ගුණාත්මකභාවය ඉහල පිවිතුරු හරිත නිෂ්පාදන බිහිකර, ජාත්‍යන්තර වෙළඳ පොල තරඟකාරීත්වයට සාර්ථකව මුහුන දීමේ හැකියාව ලැබීම.

පාරිසරික ආරක්ෂණ බලපත්‍ර පරීක්ෂණ ගාස්තු

බලපත්‍ර ගාස්තුව රු.4950.00 කි.( මුද්දර ගාස්තු රු.450.00)

වැඩි විස්තර ලබා ගැනීම සදහා අමතන්න

තාක්ෂණික නිලධාරි  එස්.එච්.කේ.කරුණාරත්න - 070-7486339 / 045-2287361